ЦІКАВЫЯ КАНІКУЛЫ
Цікавыя канікулы
Канікулы – доўгачаканая пара для кожнага вучня, а наколькі цікавымі яны будуць, чым яны будуць запоўнены, залежыць не толькі ад вучняў, але і ад іх бацькоў, ад настаўнікаў, класных кіраўнікоў. З планам работы школы на час канікул вучні і іх бацькі былі азнаемлены загадзя. Дзверы школы былі адчынены для вучняў кожны дзень. Настаўнікі паклапаціліся, каб кожны дзень канікул быў насычаны цікавымі і пазнавальнымі мерапрыемствамі, справамі. Гэта і праца майстэрні “Кніжкіна бальніца”, і круглы стол “Аб гуманных і чулых адносінах да людзей”, і выстава і агляд кніг беларускіх аўтараў “Чытаем па-беларуску”, і круглы стол “Аб здароўі і шчасці”, і пазнавальная гульня “Азбука прафесій”, і КВЗ “У здаровым целе—здаровы дух”. Праводзілася акцыя па збору макулатуры “Мая праца ўліваецца Ў працу маей краіны”, валанцерская акцыя “Добрае сэрца ветэранам”, былі арганізаваны кансультацыі па вучэбных прадметах. Сумаваць вучням не было калі. Але асабліва запомнілася дзецям паездка ў г.п.Азарычы. Разам з настаўнікамі яны пабывалі ў музеі, прысвечаным Азарыцкаму лагеру смерці, у самім лагеры, наведалі школьны музей Баявой славы, выставу работ беларускай паэткі і мастачкі, нашай зямлячкі, Соф’і Шах. З вялікай цікавасцю слухалі яны аповед настаўніцы гісторыі Азарыцкай школы, якая і правяла экскурсію для нашых вучняў.
Закончыліся канікулы. Наперадзе – апошняя чвэрць у гэтым навучальным годзе. І закончыць яе як мага лепш – наша асноўная задача зараз.
