У госці да Івана Мележа
Лета – доўгачаканая пара для кожнага вучня. Новыя знаёмствы, паходы, паездкі… І галоўная задача дарослых – зрабіць так, каб лета было цікавым, здаровым, пазнавальным.
На гэта і накіравана работа школьнага аздараўляльнага лагера “Сонейка”. Час у лагеры спланаваны так, каб цікава было вучням рознага ўзросту.
14 чэрвеня вучні пад кіраўніцтвам Г. П. Селівончык, І. М. Шынкарчук, С. М. Манько адправіліся на экскурсію ў Мемарыяльны музей Мележа (в. Глінішчы Хойніцкага раёна). Экскурсія гэта была абяцанай і доўгачаканай. Дзеці наведалі музей, паслухалі экскурсавода, даведаліся шмат цікавага аб жыцці і творчасці знакамітага беларускага пісьменніка, убачылі рэчы, якія належалі Мележу. Потым наведалі мясцовую школу, якая ім таксама спадабалася, пабывалі ў школьным музеі Мележа.
Задаволенымі засталіся ўсе. Цяпер дзеці дапытваюцца, калі будзе новая экскурсія. А яна будзе абавязкова!
