Лета працягваецца
Экскурсія, якая адбылася 21 чэрвеня, не першая за час работы школьнага аздараўленчага лагера, але не менш доўгачаканая.
На гэты раз вучні пад кіраўніцтвам настаўніц Селівончык М.М. і Змушка Л.А. пабывалі ў г.Калінкавічы, наведалі Раенны аддзел надзвычайных сітуацый, дзе ім вельмі спадабалася. Начальнік дзяжурнай змены расказаў аб спецыялізаванай тэхніцы, спецыяльных пажарных прыстасаваннях, і вучні не толькі з цікавасцю выслухалі яго аповед, але і ўбачылі гэтую тэхніку сваімі вачамі, дакрануліся да яе сваімі рукамі, малі магчымасць пасядзець у пажарнай машыне і нават прымерыць вопратку пажарніка. Па словах вучняў, яны толькі цяпер найбольш поўна адчулі, якой складанай і якой адказнай з’яўляецца работа супрацоўнікаў РАНС. Не ў аднаго вучня, асабліва хлопчыкаў, па-сапраўднаму загарэліся вочы! А яшчэ вучні наведалі музей РАНС, дзе ўбачылі абразцы першай пажарнай тэхнікі, першыя касцюмы выратавальнікаў і яшчэ шмат чаго цікавага, даведаліся аб гісторыі МНС.
На гэтым экскурсія па гораду не закончылася. Вучні таксама пабывалі ў раенным Парку культуры і адпачынку, дзе пакаталіся на розных атракцыенах і нават пастралялі ў ціры.
Крыху стомленыя, але вельмі-вельмі задаволеныя, яны вярталіся дадому. Лета наперадзе, і школьны аздараўленчы лагер яшчэ не заканчвае сваю работу, пагэтаму шмат цікавага яшчэ чакае вуняў.
