Цудоўнае свята
Дзень настаўніка – свята асаблівае, бо з настаўніка, з яго навукі пачынаецца і вучоны, і хлебароб, і будаўнік, і пісьменнік…
Цікава адзначаецца гэтае свята і ў нашай школе. Гэты год не стаў выключэннем. З самай раніцы ў школу пачалі прыходзіць прыгожа апранутыя вучні з кветкамі ў руках. Яны падрыхтавалі для сваіх настаўнікаў цэлую святочную праграму! Дзеці чыталі вершы, спявалі песні, паказвалі гумарыстычныя сцэнкі са школьнага жыцця. Талентаў у нашай школе хапае! Колькі цеплых, добрых слоў пачулі ў свой адрас настаўнікі! Цеплая, дабразычлівая атмасфера панавала ў прыгожа аформленым школьным зале. Твары і вучняў, і настаўнікаў свяціліся асаблівай цеплыней і задавальненнем. Ніхто з настаўнікаў не застаўся ў гэты дзень без кветак і прыгожай віншавальнай паштоўкі. Свята аб’яднала ўсіх, усе атрымалі зарад цеплыні і бадзерасці.
