“Калядныя фантазіі”
Падрыхтоўка да Навагодняга свята ідзе поўным ходам. Упрыгожана ўжо школа, вучэбныя кабінеты. Сняжынкі самай замыславатай формы, бліскучы “дожджык”, святочныя фігуркі сабачак…
Усе гэта нагадвае аб набліжэнні Новага года – аднаго з самых любімых святаў дзяцей і дарослых.
А яшчэ – выстава-конкурс “Калядныя фантазіі”, якая праходзіць у школе на гэтым тыдні. Чаго там толькі не ўбачыш! Прыгожыя сняжынкі (дзіцячы сад, 1,4 класы), цікавыя навагоднія цацкі (2,5,6,7 кл.), калядныя вяночкі (2,7,8 кл.), прыгожыя навагоднія елачкі (2,3,8,9 кл.), Дзед Мароз і Снягурка (8 кл.), Навагодняя паштоўка (8 кл.) і нават казачныя пернікі.
Якімі ж таленавітымі аказаліся нашы вучні, якая багатая ў іх фантазія! Кожны перапынак работы выставы збіраюць каля сябе ўдзячных гледачоў, якія любуюцца работамі, спрачаюцца, якая з іх лепшая, захапляюцца майстэрствам сваіх сяброў.
