Шосты школьны дзень
У суботу, як і заўседы, наша школа гасцінна расчыніла свае дзверы перад вучнямі, запрашаючы іх правесці свой вольны час цікава і з карысцю.
На гэты раз вучняў чакаў інтэлектуальны марафон “Дзяцінства мае сяміколернае”, у час якога рабяты адправіліся ў падарожжа з «цветиком-семицветиком». Кожны яго пялестак быў асобнай станцыяй з рознымі заданнямі, загадкамі, рэбусамі. Дзеці акунуліся ў цікавы свет казак, паўдзельнічалі ў гульне “Рабі як я”. Настаўніца С.А.Барысенка пастаралася, каб задаволенымі засталіся ўсе рабяты, каб усім, хто прысутнічаў, было цікава.
Ужо традыцыйна рабят чакаў і бібліятэчны час. Аб многім прымусіла вучняў задумацца гадзіна памяці “Помнікі, дзе крык нямы рве душы”, падрыхтаваная школьным бібліятэкарам Л.В.Корбут да Міжнароднага дня памяці ахвяр Халакосту.
