І зноў субота…
І зноў школьныя дзверы гасцінна расчыніліся перад вучнямі, запрашаючы іх цікава і карысна правесці свой вольны час. Нават даволі моцны марозік не стаў перашкодай для вучняў: як і заўседы, яны прыйшлі ў школу.
На гэты раз іх чакала гульня-віктарына “Па старонках Чырвонай кнігі”, якую падрыхтавала настаўніца біялогіі Л.А.Змушка. У конкурсах “Угадайка”, “Следапыты”, “Разумнік”, “Як паступіць”, “Не нашкодзь” дзеці прадэманстравалі свае здольнасці правільна адказваць на пытанні, найбольш поўна і хутка састаўляць характарыстыкі жывёл, знаходзіць цікавыя выхады з розных сітуацый, крэатыўна састаўляць памятку аб паводзінах на прыродзе і інш. Былі і пераможцы! 1-е месца дасталося Барысенка Ульяне (9кл.), 2-е – Новік Таццяне (9кл.) і Сапоненка Аляксандры (6кл.), 3-е – Ефімовічу Даніілу і Селівончыку Паўлу (8кл.). Задаволенымі засталіся ўсе.
Чакаў дзяцей і бібліятэчны час. Віктарыну “Беларус, роднай мовы сваёй не цурайся!” правяла з вучнямі школьны бібліятэкар Л.В.Корбут.
А ў кабінеце інфарматыкі з камп’ютарнымі гульнямі “Лабірынты ведаў” чакала вучняў завуч школы С.М.Манько.
Вось так прайшоў яшчэ адзін суботні дзень – цікава і весела.
