Тыдзень дзіцячай кнігі
На мінулым тыдні ў нашай школе прайшоў тыдзень дзіцячай кнігі , які падрыхтавала школьны бібліятэкар Корбут Людміла Віктараўна. Шмат цікавага і пазнавальнага чакала вучняў.
Асаблівы інтарэс у дзяцей выклікаў Урок праваслаўнай мудрасці, дзе ў цікавай, даступнай для вучняў форме гаварылася пра праваслаўную літаратуру, царкоўную кнігу, Біблію, пра веру, пра Бога. Дзеці пазнаёміліся з асобнымі кнігамі праваслаўнай тэматыкі, іканапісам, змаглі дакрануцца сваім сэрцам да вялікай праваслаўнай культуры, спасцігнуць думку аб вялікай чалавечай любові да людзей, да ўсяго жывога на нашай зямлі, задумаліся аб сутнасці жыцця, аб неабходнасці тварыць дабро…
Вельмі спадабалася дзецям і заключнае мерапрыемства, у цэнтры якога была Яе Вялікасць Кніга. Дзеці спявалі песні, чыталі вершы, паказвалі інсцэніроўкі, удзельнічалі ў конкурсах і віктарыне. І ўсё гэта было пра кнігу: пра яе гісторыю, пра яе інфарматыўны і духоўны характар, пра яе ролю ў жыцці грамадства і асобнага чалавека.
