“Мая зямля – бацькоўская зямля”
Пад такой назвай 29 красавіка прайшла класная гадзіна ў 9 класе.
Гэта мерапрыемства дало пачатак тыдню майстэрства класных кіраўнікоў “ Году малой радзімы прысвячаецца”.
Класны кіраўнік 9 класа прапанавала прысутным цікавы пазнаваўчы экскурс у гісторыю. Вучні падрыхтавалі паведамленні аб сваіх вёсках: Якімавічы, Клінск, Міхнавічы.
На працягу ўсяго часу дэкламіраваліся вершы аб Беларусі, дэманстраваліся ілюстрацыі з беларускімі пейзажамі , гучалі песні знакамітых кампазітараў.
Уся атмасфера ў класе была пранікнута душэўнасцю і патрыятызмам. Дзевяцікласнікі адказвалі на важныя пытанні: “Што значыць для вас Радзіма?” , “ Каго можна зваць грамадзянінам ?”.
Цікавым момантам на мерапрыемстве было тое, што рабяты ў мікрафон выказвалі свае пажаданні. Адно з якіх, каб усе людзі роднай зямлі жылі мірна і шчасліва!
Напрыканцы вучні ўпрыгожылі вяночак рознакаляровымі стужкамі, паказаўшы гэтым, што Беларусь – гэта прыгожая квітнеючая краіна!
